يعود سليم (مثل غراب البين ) من السهرة جايب خبر لنجاح انو اتفق مع شباب العشيرة على الذهاب في رحلة الى البحر الميت غدا (يا فرحتك يا سليم )
يستيقظ سليم من الفجر (لحالة)بدون نجاح تصحية فرحان (زي العيل يوم العيد) يحمل الشنتة ويطير (طبعا سليم حضر الشنتة من الليل) ويروح يستنى الباص مع الشباب اللي شكلهم ما نامو يستنو الصبح يطلع
محتويات شنتة سليم (شبرية- منشفة- مشط- تي شيرت -شورت-اشرطة ل عمر العبدلات ومحمد عبدة وعبد الكريم عبد القادر)
يصل الباص .. يقفز الشباب الى الباص (مثل السعادين) وعلى طول سليم يناول السايق شريط عمر العبدالات (غز البيارق) قبل لا حدا من الشباب يسبقو
داخل الباص سليم (معنقر بجنب السايق) عند المسجل والباص (طعة وقايمة) اغاني وتعاليل وصراخ وسواليف (عشرين يحكو واحد يسمع )
يصل سليم والشباب الى البحرة ويتفاجئو انو نص الاردن هناك (هذا اللي يدورو علية ) ينزل الشباب مبسوطين ويقعدو عالشط (بعز دين الشمس) (مش مهم)
طبعا الشباب مستعجلين على تغير اللباس وكل واحد يتحالا قدام الاخرين (يعني يشبحو الشباب )
سليم جايب معاة تي شيرت فريق امريكا للهوكي وشورت منتخب البرازيل ايام السبعين (ابصر من اي بالة لاقيهن )
اول اشي يسوية الشباب الفطور (ذابحهم الجوع) بعدين على الشط الشباب يستعرضو مهاراتهم بالسباحة (عاد ولا واحد بيهم يعرف يسبح )
اهم عمل هو الشوي والشباب كلهم فنانين شوي المهم يتغدا الشباب على اللحمة المشوية ( نصها ني (مو مستوي) ونصها محروق )
بنت (امورة ) تمرق من جنب سليم وتتطلع على لبسة الغريب ..سليم يفكر ان البنت معجبة فية (عاد سليم شكلة مصدي) سليم يلحق البنت (بدو يزبطها)
اخوان البنت يشوفو سليم ويكسرو ثمة ويطعمو سليم كتلة نصها موت (يعني رجع عالشباب مدغدغ )
بالترويحة كل واحد من الشباب مرمي على كرسي من التعب وسليم مستوي وعينو زرقا ومتورمة (من الكتلة طبعا)
يصل سليم البيت منهنه من التعب ... تسالة نجاح كيف الرحلة يا سليم ؟؟ سليم يقول يا سلام .. رحلة رهيبة..
الرئيسية 
المنتدى الفكاهي
