رأي الشباب بالمعاكسة

يزعمون أنهن اللاتي يبادرن بطلب خدمات الشاب
الشباب يوجهون اللوم إلى الفتيات ويحملونهن مسؤولية المعاكسات
وجهنا اللوم إلى الشباب مرات كثيرة لتسكع بعضهم في الأسواق بغرض معاكسة الفتيات، هنا يدافع الشباب عن نفسه متهما بعض الفتيات بإعطاء الذريعة لنفر من المراهقين لمعاكستهن بحيل وأساليب عدة، منها طلب المساعدة من بعضهم بمبررات وهمية، فضلا عن ميوعة في القول أو تبسط في الحديث.


وأكد لنا الشباب الذين التقيناهم أنهم لا يتحرشون بالفتيات أو يحاولون "ترقيمهن" إلا بعد رؤيتهم لفتيات غير ملتزمات باللباس المحتشم إضافة إلى أن منهن من يطاردن الشباب بنظرات الإعجاب والرغبة في التعرف عليهم!.


وزعم بعضهم أن بعض الفتيات ربما حادثت الشاب مباشرة لمحاولة استمالته، وأحيانا بحجة طلب خدمة ما!.. ويتمنى الشباب أن تصحح الصورة الخاطئة عنهم حيث الاعتقاد السائد أن الشباب هم السبب في ما يحدث من معاكسات داخل الأسواق والأماكن العامة متجاهلين الدور الخفي للفتيات وروائح العطور النفاذة التي تفوح منهن، وطالبوا الجهات المختصة بمراقبة تصرفات الفتيات تماما كما تراقب تصرفات الشباب.


ويحمل الشاب الفتيات نسبة 70% من المعاكسات داخل الأسواق والأماكن العامة وعلى الطرقات أثناء ركوبهن السيارات, مشيرا إلى نظراتهن التي تطارد الشباب.. وربما وصل الحال ببعضهن إلى التحدث مع الشباب مباشرة! وطلب التعرف عليهم... ثم يؤكد ا أن الفتاة التي تريد المعاكسة تبدو معروفة لدى الشباب من طريقة لبسها ونظراتها.


ويعتقد احد الشباب بأن الكثير من الفتيات يتوجهن إلى الأسواق وكأنهن ذاهبات إلى حفلات سهر حيث يفتقدن الاحتشام ويرتدين ملابس فاتنة تُبين ملامح أجسامهن إضافة إلى لبس "البراقع" والعباءات المخصرة والتطيب بأنواع العطورات مما يلفت الأنظار إليهن مؤكدا أن معظم الشباب لن يتجرأ على معاكسة الفتيات المحتشمات اللواتي لا يثرن الانتباه.

حلو موضوعك وفيو نقاش
وبحس انو الغلط على التنين
الغلط من البنت في لباسه اوك وضحت الشغلة ازا هي من لباسه بتلفت انظار طيب ليه المعاكسة دام انت بتحط الحق ع البنات طيب ابعد نظرك وما تعاكس حتى ما تطلع عليك الشبهة
تاني شي الغلط على الشب انو هو يلي بيعاكس وبتماده في نظرو
يعني من الاخير الحق ع الجهتين
بعطي نسبة 90بالمية ع الشباب
و10 بالمية للبنات
شكرا ع الموضوع

هلأ أختي لو البنت كانت متحشمة ولابسة اللباس الشرعي المطلوب دخلك رح يطلع الشب عالبنت ولا مارح يشوفها من اصله ؟؟؟ بصراجة جاوبيني مع انه انا بعرف انه الحق عالاتنين بس الأصل من وين الفتنة أكيد من البنت ولا عندك كلام تاني بنت الخاص

الغلط على التنين اكيد
بس اليش الغلط دايمنا على البنات
البنت حره بالبسه

الغلط من البنت في لباسه اوك وضحت الشغلة ازا هي من لباسه بتلفت انظار طيب ليه المعاكسة دام انت بتحط الحق ع البنات طيب ابعد نظرك وما تعاكس حتى ما تطلع عليك الشبهة
تاني شي الغلط على الشب انو هو يلي بيعاكس وبتماده في نظرو(اقتباس)
متل الي حط زيت جنب نار وخلاها تشتعل لوحدها
يا بنت الخاص ما دام البنت سمحت لنفسها تطلع من بيتها بلبس ملفت للانظار وكان هدفها انو تلفت نظر فلا تلومي الشب ألي بيعاكس هاي البنت لأنها الي رخسرت من نفسها للذئاب البشرية ما بتساهل الا هيك معاملة من شباب
فأنا بعتقد انو الحق الاول والاخير بيرجع للأهل المهملين بتربية أبنأهم شباب والبنات وتاركينهم على حريتهم المطلقة بدون مراقبة
شكرا الك اخ عاشق على الموضوع الحلووووووووووووووو

مع الاحترام للجميع المسالة مش القاء الاخطاء على جهة معينة ( شباب او بنات ) في شي اساسي في الموضوع انو مجتمعنا مش كثير بيعطي هامش حرية وخاصة في هيك قضايا بحكم اوضاعنا الي بنمر فيها يعني اذا اي شاب بشوف بنت في الشارع وبتكون لابسة لبس جميل او ما شابه بشكل تلقائي رح يتبادر لذهنو انو هاي صيد سهل نتيجة المنظر والشكل فا من هان بتبدا المشكلة انو عنا ناس ما بينظروا الا للمظهر وبينسو الجوهر الي هو اهم يعني ممكن وحدة من البنات تكون لابسة لبس نحكي فاحش اذا صح التعبير وتكون محترمة نفسها في الشارع اكثر من بنت اخرى محتشمة ولابسا شرعي وممكن الاساءة الاكبر تكون من الشباب انفسهم يعني الشاب هاي الايام اذا بدو يتفاخر بيتفاخر بكم بنت بيعرف وكم علاقة بتربطه مع بنات بنرجع وبنحكي هاذ الموضوع ممكن يكون بيمس شئ حساس في مجتمع محافض مثل مجتمعنا لكن الخوض في هيك مواضيع لا بد منه لانه بجد عنا ظاهرة المعاكسات اصبحت مشكلة كبيرة بحيث انو كل يوم بنسمع مشكلة بهاي الخصوص . انا بعتقادي انو الجزء الاساسي في هاذ الموضوع بترجع للتربية في البيت لو كل انسان ان كان بنت او شاب بيحترم نفسو في الشارع او السوق او اي مكان اخر لكان الوضع افضل . لكن انا بشوف انو مثلا بتروح على السوق بتلاقي شباب وبنات رايحين جايين ليش ؟؟؟؟؟؟؟؟؟؟ بدون هدف . . يعني لو الاهل بيلعبو دورهم التربوي صح مش ممكن تكون هاي الامور موجودة .
في النهاية باعتقادي هاي القصة تكاملية يعني البنت بتكمل دور الشاب والشاب بيكمل دور البنت
لولا البنت ما كانت المشكلة ولولا الشاب ما كانت المشكلة
لكن الاهل وين دورهم من هاي القصة وهاي المشكلة لانهم اي الاهل هم الملومين اولا واخيرا .
مع الاحترام والتقدير للجميع